طريقة عمل البطاطس الكروكيت المحشية بالخطوات المصورة من الأختين الحلوين هناء وشيرين

 السلام عليكم ورحمة الله وبركاته

طريقة عمل البطاطس الكروكيت المحشية بالخطوات المصورة

البطاطس من الخضروات اللذيذة اللى الكل بيحبها

سواء صوابع البطاطس المقلية المقرمشة

أو السوتيه والمهرووسة لعشاق الأكل الصحى

أو كمان المشوية فى الفرن أو على الفحم

ليها طرق كتيييييير جدا 

وبتدخل كمان مع الفراخ أو اللحمة أو حتى السمك فى وصفات للغداء تجنن

موضوعنا انهارده هنعمل مع بعض البطاطس الكروكيت المحشية جبنة

يالا نشوف هنعمل ايه

المقادير

بطاطس مسلوقة ومهرووسة

دقيق

بيض

بقسماط

جبنة شيدر 

زيت للقلى

الطريقة

أول حاجة هنقطع الجبنة الشيدر صوابع بالشكل ده

ممكن نستخدم جبنة موتزريلا او اى جبنة احنا بنحبها

وبعد كده هنغلف الجبنة بالبطاطس المهرووسة بالشكل ده

البطاطس بتاعتنا يكون مضاف عليها ملح وفلفل أبيض ومهرووسة كويس

بعد كده هنغلفها بالدقيق

وبعد كده هنضرب البيض ونضيف عليه ملح وفلفل اسود ونقلب فيه البطاطس بالراحة

وبعد كده نغطى البطاطس بالبقسماط

ونقليها فى زيت غزير

وده شكلها النهائى

نتمنى وصفة انهارده تكون عجبتكوا

تابعونا على مواقع التواصل الإجتماعى 

وعلى الفيس بوك
https://www.facebook.com/hanaashireen

وعلى انستجرام
https://www.instagram.com/hanaashireen

وعلى تويتر
https://twitter.com/hanaashireen

وعلى بنترست
https://www.pinterest.com/hanaashireen