بالصور طريقة عمل آيس كريم دايت بالفواكه بمكونين اتنين فقط من الأختين الحلوين هناء وشيرين

 السلام عليكم ورحمة الله وبركاته

طريقة عمل آيس كريم دايت بالفواكه بمكونين اتنين فقط

فى الصيف بنحتاج لحاجة تخفف من ارتفاع درجة الحرارة

زى عصير ساقع مثلاً أو آيس كريم أو أى حاجة تحسسنا بالسعادة والانتعاش

ولأن الآيس كريم بيحتوى على سعرات حرارية عالية

فحبينا نعمل آيس كريم صحى ولذيذ وبمكونين اتنين فقط

موضوعنا انهاردة هنعرف ازاى نعمل آيس كريم دايت بالفواكه سهل وسريع

المقادير

فراولة

علبة زبادى

الطريقة

أول حاجه هنغسل الفراولة كويس جدا ونقطع الجزء الأخضر

وبعدين نضربها فى الخلاط بدون اضافة أى شئ

لكن اللى يحبها مسكره يضيف معلقة عسل نحل

وبعد كده هنصب الفراولة فى بولة وعندنا بولة الزبادى 

والبولة التالته نضيف نصها زبادى ونصها فراولة زى ما انتو شايفين

وكده هيكون عندنا 3 ألوان

اللون الأبيض : زبادى

اللون البينك : زبادى على فراولة

اللون الأحمر : فراولة

وبعد كده هنحضر القوالب بتاعتنا

احنا هنا استخدمنا القوالب السيلكون دى

أول حاجة هنحط فيها الزبادى وندخله الفريزر لحد ما يجمد

وبعد كده نصب عليه الزبادى بالفراولة وندخله الفريزر تانى لحد ما يجمد

وفى الآخر نصب الفراولة وندخله الفريزر لحد ما يجمد

وكده يكون عندنا 3 طبقات بالشكل ده

وده شكله النهائى

شكله وطعمه فى منتهى الجمال

وده زووووم علشان الحبايب 😘 💘 😘

نتمنى وصفة انهارده تكون عجبتكوا

تابعونا على مواقع التواصل الإجتماعى 

وعلى الفيس بوك
https://www.facebook.com/hanaashireen

وعلى انستجرام
https://www.instagram.com/hanaashireen

وعلى تويتر
https://twitter.com/hanaashireen

وعلى بنترست
https://www.pinterest.com/hanaashireen