أفضل طريقة لعمل الفشار بدون ما يتحرق من الأختين الحلوين هناء وشيرين

 السلام عليكم ورحمة الله وبركاته

أفضل طريقة لعمل الفشار بدون ما يتحرق 

الفشار من التسالى اللى مرتبطة معانا بمناسبات كتير زى سبوع البيبى والسهرات المنزلية والأعياد

وطبعاً وقت مشاهدة فيلم فى السينما أو البيت لازم معاها طبق فشار كبير

وكمان الأطفال بيحبوه جداً سواء الحلو منه أو الحادق

ومش هننسى المهتمين بالدايت يقدروا ياكلوه لأن سعراته الحرارية قليلة ومشبع

فى موضوعنا انهارده هنعرف ازاى نعمل فشار فى البيت زى الجاهز من غير ما يتحرق مننا

المقادير

2 معلقة زيت نباتى

ربع كوب ذرة فشار

ملح

الطريقة

أول حاجة هنجيب حلة ونحط فيها الزيت ونرفعها على نار متوسطة

وأول ما الزيت يسخن ننزل بذرة الفشار ونقلبه فى الحلة ونغطيها

 وبعد كده هنسمع صوت طرقعة الفشار فى الحلة منفتحش عليها لكن نقلبها وهى متغطية

وأول ما صوت الطرقعة يسكت يبقى كده الفشار جاهز معانا

نقدر نحطله الطعم اللى يعجبنا أو ببساطة نحط شوية ملح ونستمتع بأحلى طبق فشار

أهم حاجة التقليب المستمر ومنعليش النار على الفشار

نتمنى وصفة انهارده تكون عجبتكوا

تابعونا على مواقع التواصل الإجتماعى 

وعلى الفيس بوك
https://www.facebook.com/hanaashireen

وعلى انستجرام
https://www.instagram.com/hanaashireen

وعلى تويتر
https://twitter.com/hanaashireen

وعلى بنترست
https://www.pinterest.com/hanaashireen